என் பெயரில் டிரஸ்ட்: யாருக்கும் அனுமதியில்லை-கலாம்

டெல்லி: முன்னாள் குடியரசுத் தலைவர் அப்துல் கலாம் பெயரில் டிரஸ்ட் அமைக்க எந்த தனி நபருக்கும், அமைப்புக்கும் அனுமதி தரப்படவில்லை என்று கலாமின் அலுவலகம் தெளிவுபடுத்தியுள்ளது.

பீகாரைச் சேர்ந்த சில நிறுவனங்கள் டாக்டர் கலாமின் பெயரில் அறக்கட்டளை தொடங்கப் போவதாக செய்திகள் வெளியாகின. இதையடுத்து கலாமின் முதன்மைச் செயலாளர் ஆர்.கே.பிரசாத் ஒரு அறிக்கை வெளியிட்டுள்ளார்.

அதில், எந்த தனி நபருக்கும், அமைப்புக்கும் தனது பெயரில் அறக்கட்டளை தொடங்க டாக்டர் அப்துல் கலாம் அனுமதி தரவில்லை.

இந்த நிலையில் சில தனி நபர்கள் மற்றும் அமைப்புகள் கலாம் பெயரில் அறக்கட்டளை தொடங்கப் போவதாக செய்திகள் வெளியாகியுள்ளன. ஆனால் இந்த அமைப்புகளுடனும், தனி நபர்களுடனும் அப்துல் கலாமுக்கு எந்த வகையிலும் தொடர்பு இல்லை என்று தெரிவித்துள்ளார்.