கலாமுக்கு சிங்கப்பூர் பல்கலை டாக்டர் பட்டம்

சிங்கப்பூர்: முன்னாள் குடியரசுத் தலைவர் அப்துல் கலாமுக்கு சிங்கப்பூரின் நான்யாங் தொழில்நுட்பப் பல்கலைக்கழகம் கெளரவ டாக்டர் பட்டம் வழங்கி கெளரவித்துள்ளது.

இந்தியாவின் முன்னேற்றத்திற்கு கலாம் ஆற்றிய பணிகள், அறிவியல் மற்றும் தொழில்நுட்ப துறையில் அவர் ஆற்றிய பணிகள், இந்திய -சிங்கப்பூர் உறவை மேம்படுத்த அவர் முக்கிய பங்காற்றியது ஆகியவற்றை கெளரவிக்கும் வகையில் இந்த டாக்டர் பட்டம் வழங்கப்பட்டுள்ளது.

சிங்கப்பூரில் நேற்று நடந்த பட்டமளிப்பு விழாவில் கலாமுக்கு, சிங்கப்பூர் அதிபர் எஸ்.ஆர்.நாதன் டாக்டர் பட்டத்தை வழங்கினார்.

சிங்கப்பூரில் பல்வேறு நிகழ்ச்சிகளில் பங்கேற்கும் அப்துல் கலாம் தனது இரண்டு நாள் சுற்றுப் பயணத்தை முடித்துக் கொண்டு மலேசிய தலைநகர் கோலாலம்பூர் செல்கிறார்.