தலைமைச் செயலாளராக ஸ்ரீபதி பதவியேற்பு - திரிபாதி ஓய்வு

சென்னை: தமிழக அரசின் தலைமைச் செயலாளராக கே.எஸ்.ஸ்ரீபதி இன்று பொறுப்பேற்றுக் கொண்டார்.

தமிழக அரசின் தலைமைச் செயலாளராக இருந்து வந்தார் எல்.கே.திரிபாதி. இன்றுடன் அவர் ஓய்வு பெற்றார். இதையடுத்து புதிய தலைமைச் செயலாளராக மூத்த ஐ.ஏ.எஸ். அதிகாரியான ஸ்ரீபதி இன்று பொறுப்பேற்றுக் கொண்டார்.

கடந்த 14ம் தேதிதான் ஸ்ரீபதியை, சிறப்பு தலைமைச் செயலாளராக தமிழக அரசு நியமித்தது என்பது நினைவிருக்கலாம்.

தலைமைச் செயலாளர் பொறுப்புடன், மறு உத்தரவு வரும் வரை நிர்வாக சீரமைப்பு ஆணையராகவும், கண்காணிப்பு ஆணையராகவும் தொடருவார் என்று அரசு அறிவிப்பில் தெரிவிக்கப்பட்டுள்ளது.