மருத்துவமனையிலிருந்து தலாய் லாமா டிஸ்சார்ஜ்

மும்பை: கடும் களைப்பு மற்றும் வயிற்று வலி காரணமாக மும்பை லீலாவதி மருத்துவமனையில் கடந்த நான்கு நாட்களாக சிகிச்சை பெற்று வந்த திபெத்திய மதத் தலைவர் தலாய் லாமா இன்று டிஸ்சார்ஜ் செய்யப்பட்டார்.

73 வயதாகும் நோபல் பரிசு பெற்ற தலாய் லாமாவுக்கு நான்கு நாட்களுக்கு முன்பு வயிற்று வலி ஏற்பட்டது. இதையடுத்து மும்பை லீலாவதி மருத்துவமனையில் அவர் அனுமதிக்கப்பட்டார்.

சிகிச்சை பெற்று வந்த அவர் உடல் நலம் தேறவே இன்று டிஸ்சார்ஜ் செய்யப்பட்டார். முழு ஓய்வில் அவர் இருக்க வேண்டும் என டாக்டர்கள் அறிவுறுத்தியுள்ளனர்.

இம்மாத மத்தி வரை மும்பையிலேயே தலாய் லாமா தங்கியிருப்பார் என்று தெரிகிறது. அவரது நிகழ்ச்சிகள் அனைத்தும் ரத்து செய்யப்பட்டுள்ளன.