தஞ்சை-பெண் வயிற்றில் 7 கிலோ கட்டி அகற்றம்

தஞ்சாவூர்: தஞ்சை மருத்துவ னையில் ஒரு பெண்ணுக்கு வயிற்றில் இருந்த 7 கிலோ கட்டியை டாக்டர்கள் அகற்றி சாதனை படைத்துள்ளனர்.

பட்டுக்கோட்டை ராஜாமடம் கீழ் தோட்டத்தை சேர்ந்தவர் மாலா (பெயர் மாற்றம் செய்யப்பட்டுள்ளது). இவருக்கு அடிக்கடி வயிற்று வலி ஏற்பட்டுள்ளது. இதனால் அருகில் உள்ள டாக்டர்களிடம் சென்று தற்காலிக சிகிச்சை பெற்று வந்துள்ளார்.

வலி தீவிரமானதை அடுத்து தஞ்சை ராஜா மிராசுதார் அரசு மருத்துவமனையில் மாலா அனுமதிக்கப்பட்டார். டாக்டர்கள் அவரை பரிசோதனை செய்ததில் அவரது வயிற்றில் கர்ப்பபையில் சுமார் 7 கிலோ எடையுள்ள கட்டி இருப்பதை கண்டறிந்தனர். அதனை அகற்ற முடிவு செய்யப்பட்டது.

டாக்டர்கள் தாமரைச்செல்வி, சொரூபராணி ஆகியோர் மாலாவுக்கு அறுவை சிகிச்சை செய்தனர். அவரது வயிற்றில் இருந்த 7 கிலோ கட்டியை வெற்றிகரமாக அகற்றி சாதனை புரிந்தனர்.