சென்னை: கம்ப்யூட்டர் கோளாறு-சர்வதேச விமானங்கள் தாமதம்

சென்னை: சென்னை அண்ணா சர்வதேச விமான முனையத்தில் கம்ப்யூட்டரில் ஏற்பட்ட கோளாறால், நான்கு சர்வதேச விமானங்கள் புறப்படுவதில் தாமதம் ஏற்பட்டது.

சென்னை விமான நிலையத்தின் அண்ணா சர்வதேச முனையத்தில், உள்ள கம்ப்யூட்டரில் இன்று காலை 5.15 மணி முதல் 6.10 வரை கோளாறு ஏற்பட்டது. இதனால் விமானங்கள் புறப்படுவதில் தாமதம் ஏற்பட்டது.

இதன் காரணமாக லண்டன் செல்ல வேண்டிய பிரிட்டிஷ் ஏர்வேஸ், மஸ்கட் செல்ல வேண்டிய ஓமன் ஏர்லைன்ஸ், குவைத் செல்ல வேண்டிய கல்ப் ஏர்வேஸ், கொழும்பு செல்ல வேண்டிய ஏர் இந்தியா எக்ஸ்பிரஸ் ஆகிய விமானங்கள் புறப்படுவதில் தாமதம் ஏற்பட்டது.

கிட்டத்தட்ட அரை மணி நேரத்திற்குப் பிறகுதான் சிக்கல் தீர்ந்து விமானங்கள் புறப்பட்டுச் சென்றன.