அமெரிக்காவில் ரைஸ்-ஆண்டனி சந்திப்பு

வாஷிங்டன்: பாதுகாப்பு அமைச்சர் ஆண்டனி வாஷிங்டனில் அமெரிக்க வெளியுறவு அமைச்சர் காண்டலீசா ரைஸ் மற்றும் அதிபர் ஜார்ஜ் புஷ்ஷின் தேசிய பாதுகாப்பு ஆலோசகர் ஸ்டீபன் ஹேட்லி ஆகியோரை சந்தித்துப் பேசினார்.

இரு நாட்டு பாதுகாப்பு உறவு மற்றும் அணு ஒப்பந்தம் குறித்து அப்போது விரிவாகப் பேசப்பட்டது.

கடந்த 4 நாட்களாக அமெரிக்காவில் பயணம் செய்து வரும் ஆண்டனி நேற்றிரவு அமெரிக்க பாதுகாப்பு தலைமையகமான பெண்டகன் சென்றார். அங்கு அவருக்கு ராணுவ மரியாதையுடன் வரவேற்பு அளிக்கப்பட்டது.

ஆண்டனியுடன் பாதுகாப்புத்துறைச் செயலாளர் விஜய் சிங், கிழக்கு மண்டல ராணுவ கமாண்டர் வி.கே.சி்ங், ஏர் மார்ஷெல் முகர்ஜி ஆகியோரும் சென்றுள்ளனர்.