சீன அமைச்சரை தவிர்த்தாரா சோனியா?

டெல்லி: சீன அமைச்சருடனான சந்திப்பை சோனியா காந்தி தவிர்த்ததாக வெளியான செய்தியை காங்கிரஸ் கட்சி மறுத்துள்ளது.

என்எஸ்ஜி கூட்டத்தி்ல் இந்திய-அமெரிக்க அணு ஒப்பந்தத்துக்கு சீனா கடைசி நேரத்தில் எதிர்ப்பைத் தெரிவித்து குட்டையைக் குழப்பியது. இதனால் சீனா மீது கடும் கோபத்தில் உள்ளார் பிரதமர் மன்மோகன் சிங்.

இந் நிலையில் இந்தியா வந்த சீன வெளியுறவு அமைச்சர் யாங் ஜிச்சி, சோனியாவையும சந்திக்க நேரம் கேட்டதாகவும், ஆனால், அதை சோனியா தவிர்த்துவிட்டதாகவும் கூறப்படுகிறது.

ஆனால், இதை காங்கிரஸ் மறுத்துள்ளது. இது ஆதாரமற்ற செய்தி என்று கூறியுள்ள காங்கிரஸ், சோனியாவை யாங் ஜிச்சி சந்திக்க நேரமே கேட்கவில்லை என்று கூறியுள்ளது.