டெல்லி:முந்தைய குண்டுவெடிப்புகள்

டெல்லி: டெல்லிக்கு, குண்டுவெடிப்புச் சம்பவங்கள் புதிதல்ல. கடந்த பத்து ஆண்டுகளுக்கும் மேலாக டெல்லியில் பல்வேறு குண்டுவெடிப்புகள் நிகழ்ந்தது பல அப்பாவிகளின் உயிர்கள் தீவிரவாதத்திற்கு காவு கொடுக்கப்பட்டுள்ளன.

1996, மே, 23: லஜ்பத் நகர் மார்க்கெட் பகுதியில் குண்டுவெடிப்பு. 16 பேர் பலி.

1997, அக்டோபர், 1: சதார் பஜார் பகுதியில் நடந்த ஊர்வலத்தில் குண்டுவெடித்து, 30 பேர் காயம்.

1997, அக்டோபர், 18: ராணிபாக் மார்க்கெட்டில் குண்டுவெடித்து, 23 பேர் காயம். ஒருவர் உயிரிழந்தார்.

1997, அக்டோபர், 26: கரோல்பாக் மார்க்கெட்டில் இரட்டை வெடிகுண்டு வெடிப்பு. ஒருவர் பலி, 34 பேர் காயம்.

1997, டிசம்பர், 30: பஞ்சாபி பாக் பகுதியில் பஸ்சில் குண்டுவெடித்து 4 பேர் பலி, 30 பேர் காயம்.

2000: செங்கோட்டையில் லஷ்கர் தீவிரவாதிகள் நடத்திய துப்பாக்கிச் சூட்டில் 3 ராணுவத்தினர் பலி.

2001, டிசம்பர், 13: நாடாளுமன்றம் மீது தீவிரவாதிகள் தாக்குதல். 5 தீவிரவாதிகள் உள்பட 12 பேர் பலி.

2005, அக்டோபர், 29: நகரின் பல்வேறு பகுதிகளில் நடந்த பயங்கர குண்டுவெடிப்புச் சம்பவத்தில் 62 பேர் பலியாயினர். 70க்கும் மேற்பட்டோர் படுகாயம்.