10 கிராம் தங்கம் விலை ரூ. 1,000 உயர்வு!

டெல்லி&நியூயார்க்: உலகம் முழுவதும் தங்கத்தின் விலை இன்று ஒரே நாளில் திடீரென பெருமளவில் உயர்ந்தது. 10 கிராம் தங்கத்தின் விலை ரூ. 1,000 வரை உயர்ந்துள்ளது.

இன்று இந்தியாவில் ஒரு கிராம் தங்கத்தின் விலை ரூ. 1291.50 ஆக உள்ளது. ஒரு பவுன் விலை ரூ. 10,332 ஆக உள்ளது.

சர்வதேச நிதி நிறுவனங்கள் பெரும் தள்ளாட்டத்தில் இருப்பதால், பங்குச் சந்தையில் முதலீடுகள் பெருமளவில் குறைந்து போய், தங்கத்தில் திடீரென முதலீடுகள் உயர்ந்துள்ளதே இந்த விலை உயர்வுக்குக் காரணம் கூறப்படுகிறது.

இதனால் தங்கத்துக்கு உலக அளவி்ல் திடீரென பெரும் டிமாண்ட் ஏற்பட்டு, விலை உயர்ந்துள்ளது.

மேலும் டாலரின் மதிப்பு சரிந்து வருவதும் இன்னொரு காரணம்.

இதே காரணங்களால், அமெரிக்காவிலும் இங்கிலாந்திலும் தங்கத்தின் விலை ஒரே நாளில் இன்று 8.4 சதவீதம் அதிகரித்துள்ளது.