கிராம் ரூ. 1,165: இறங்கியது தங்கம் விலை

சென்னை: நேற்று ஒரே நாளில் கிராம் விலை ரூ. 1291 ஆக உயர்ந்த தங்கத்தின் விலை இன்று குறைந்தது. இன்று ஒரு கிராம் ரூ.1,165க்கு விற்கப்படுகிறது. இதன்மூலம் கிராம் ஒன்றுக்கு ரூ. 126 வரை விலை குறைந்துள்ளது.

நேற்று ஒரு பவுன் விலை ரூ. 10,338 ஆக இருந்தது. இன்று ரூ. 9,320 ஆகக் குறைந்துள்ளது. இதன் மூலம் பவுன் ஒன்றுக்கு தங்கத்தின் விலை ஒரே நாளில் ரூ. 1,018 குறைந்துள்ளது.

சர்வதேச நிதி நிறுவனங்கள் பெரும் தள்ளாட்டத்தில் இருப்பதால், பங்குச் சந்தையில் முதலீடுகள் பெருமளவில் குறைந்து போய், தங்கத்தில் திடீரென முதலீடுகள் உயர்ந்ததால் விலை உயர்ந்தது.

இன்று உலக அளவில் பங்குச் சந்தைகளில் ஓரளவுக்கு பீதி நீங்கியுள்ளதால் தங்கத்தின் விலை குறைந்துள்ளது.