தமிழகம்-புதுவையில் 2 நாட்களுக்கு மழை!

சென்னை: கடந்த சில நாட்களாக மழையும், வெய்யிலுமாக இருந்து வரும் தமிழகத்திலும், புதுவையிலும் அடுத்த 48 மணி நேரத்திற்கு மழை பெய்யலாம் என வானிலை ஆய்வு மையம் தெரிவித்துள்ளது.

தமிழகத்திலும், புதுவையிலும் மழையும், வெயிலும் கடந்த சில நாட்களாக மாறி மாறி இருந்து வருகிறது. இந்த நிலையில் அடுத்த 48 மணி நேரத்திற்கு இரு மாநிலங்களிலும் பரவலாக மழை பெய்யலாம் என வானிலை ஆய்வு மையம் அறிவித்துள்ளது.

தற்போது சென்னையில் பகலில் நல்ல வெயிலும், காற்றும் நிலவுகிறது. மாலைக்கு மேல் குளிர்ந்த காற்றுடன் சில பகுதிகளில் மழை பெய்து வருகிறது.

தமிழகம் மற்றும் புதுச்சேரியில் ஒரு சில இடங்களில் மழையோ, இடியுடன் கூடிய மழை பெய்யக் கூடும். சென்னை நகரில் பொதுவாக வானம் மேகமூட்டமாக காணப்படும். இரவு நேரத்தில் பல்வேறு இடங்களில் மழை பெய்யும் என, சென்னை வானிலை ஆய்வு மையம் தெரிவித்துள்ளது.