கட்டுமான நிறுவனம் எச்சிக்கு சாப் ஏஸ் 2008 விருது
மும்பை: நாட்டின் முன்னணி கட்டுமானம் மற்றும் அடிப்படைக் கட்டமைப்பு மேம்பாட்டு நிறுவனமான எச்சிசி (இந்துஸ்தான் கன்ஸ்ட்ரக்ஷன் கம்பெனி), சிறந்த வாடிக்கையாளர் சேவைக்கான சாப் ஏஸ் 2008 விருதினை வென்றுள்ளது.
கட்டுமானம் மற்றும் ரியல் எஸ்டேட் பிரிவில் சிறந்த வாடிக்கையாளர் சேவைக்காக இந்த விருதினை எச்சிசி பெற்றுள்ளது.
இந்த விருதினை எச்சி பெறுவது இது 2வது முறையாகும்.
உலக அளவில் முன்னணியில் உள்ள பிசினஸ் சாப்ட்வேர் நிறுவனமான சாப் இந்த விருதினை ஏற்படுத்தி வழங்கி வருகிறது. தகவல் தொழில்நுட்பத்தை சிறந்த முறையில் பயன்படுத்தும் நிறுவனங்களுக்கு இவ்விருது அளிக்கப்படுவது குறிப்பிடத்தக்கது.
சாப் நிறுவனத்தின் சாப்ட்வேரை தனது 35 அலுவலகங்களிலும், திட்ட இடங்களிலும் எச்சிசி பயன்படுத்துகிறது.
இந்த விருதினை 2வது முறையாக பெற்றிருப்பது சந்தோஷம் தருவதாக நிறுவனத்தின் முதன்மை தகவல் அதிகாரி சதீஷ் பென்ட்சே தெரிவித்துள்ளார்.