பிரான்ஸில் மன்மோகன் - ஐரோப்பிய யூனியன் மாநாட்டில் பங்கேற்பு

மார்ஷெல் (பிரான்ஸ்): 3வது இந்தியா - ஐரோப்பிய யூனியன் மாநாட்டில் கலந்து கொள்வதற்காக, பிரான்ஸின் மார்ஷ்ல் நகருக்கு பிரதமர் மன்மோகன் சிங் இன்று காலை வந்து சேர்ந்தார்.

தனது ஐந்து நாள் அமெரிக்க பயணத்தை முடித்துக் கொண்டு நியூயார்க்கிலிருந்து நேற்று இரவு மன்மோகன் சிங் மார்ஷல் புறப்பட்டார். இன்று காலை அவர் மார்ஷல் வந்து சேர்ந்தார்.

இன்று நடைபெறும் இந்திய - ஐரோப்பிய யூனியன் மாநாட்டில் அவர் பங்கேற்கிறார். முன்னதாக பிரெஞ்சு அதிபர் சர்கோஸியை அவர் சந்தித்துப் பேசுகிறார். பின்னர் மாநாட்டில் அவர் பங்கேற்கிறார்.

நாளை மாலை அவர் பாரீஸ் புறப்பட்டுச் செல்கிறார். அங்கு இந்திய - பிரெஞ்சு இருதரப்பு மாநாடு நடைபெறுகிறது. பிரான்ஸ் அதிபருடன் இந்த மாநாட்டில் மன்மோகன் சிங் பங்கேற்கிறார். அன்றைய தினமே பிரதமர் தாயகம் திரும்புகிறார்.