அணு ஒப்பந்தம்-யுஎஸ் செனட்டில் இன்று ஓட்டெடுப்பு?

டெல்லி: இந்தியாவுடனான அணு ஒப்பந்தம் இன்று அமெரிக்க செனட் சபையில் ஓட்டெடுப்புக்கு எடுத்துக் கொள்ளப்படும் எனத் தெரிகிறது.

இந்த ஒப்பந்தந்துக்கு அமெரிக்க நாடாளுமன்றத்தின் பிரதிநிதிகள் சபையில் (மேலவை) கடந்த 28ம் தேதி ஒப்புதல் அளிக்கப்பட்டது.

ஒப்பந்தத்திற்கு ஆதரவாக 298 வாக்குகளும், எதிராக 117 வாக்குகளும் கிடைத்தன. இதன் மூலம் ஒப்பந்தத்திற்கு பிரதிநிதிகள் சபையின் ஒப்புதல் கிடைத்தது.

இந் நிலையில் இன்று செனட் சபையில் (கீழ் அவை) ஒப்பந்தத்தின் மீது ஓட்டெடுப்பும் நடக்கவுள்ளது.

முன்னதாக செனட் சபையில் இந்த ஒப்பந்தம் தொடர்பாக விவாதம் நடந்தது. ஆனால், உறுப்பினர்களிடையே ஒருமித்த கருத்து எட்டப்படாததால் வாக்கெடுப்பு ஒத்தி வைக்கப்பட்டது.

இந் நிலையில் இன்று வாக்கெடுப்பு நடைபெறும் என எதிர்பார்க்கப்படுகிறது.

இன்றில்லாவிட்டால் இந்த வார இறுதிக்குள் வாக்கெடுப்பு நடத்தப்பட்டுவிடும் என வெள்ளை மாளிகை வட்டாரங்கள் தெரிவித்துள்ளன.

இங்கு அணு ஒப்பந்தம் வென்றுவிட்டால், அடுத்து இரு நாடுகளும் இதில் கையெழுத்து போட வேண்டியது மட்டும் தான் பாக்கி.

இதையடுத்து இந்தியா மீதான 30 ஆண்டு அணு சக்தி தடைகள் அனைத்தும் முடிவுக்கு வந்துவிடும்.