பிரம்மோத்சவம்: இன்று திருப்பதியில் ரதோத்சவம்

திருமலை: திருமலையில் உள்ள திருப்பதி ஸ்ரீவெங்கடேஸ்வரா கோவிலில், 9 நாள் பிரம்மோத்சவத்தின் முக்கிய நிகழ்ச்சியான ரதோத்சவம் இன்று காலை விமரிசையாக நடந்தேறியது. ஆயிரக்கணக்கான பக்தர்கள் பக்திப் பெருக்குடன் தரிசித்தனர்.

நான்கு மாட வீதிகள் வழியாக ரதோத்சவம் நடந்தது. அரோகரா கோஷத்துடன் பக்தர்கள் பக்திப் பெருக்குடன் அழகிய ரதத்தில் வலம் வந்த மலையப்ப சுவாமியின் அழகுக் கோலத்தை கண்டு தரிசித்தனர்.

மலையப்ப சுவாமியுடன், ஸ்ரீதேவி மற்றும் பூதேவி ஆகியோரும் ரதங்களில் வலம் வந்தனர். இன்று மாலை அஷ்ட வாகனத்தில் மலையப்ப சுவாமி ஊர்வலம் நடைபெறுகிறது.