ஆக்ஸன் நிறுவனத்தை வாங்குவதை கைவிட்டது இன்போசிஸ்

பெங்களூர்: இங்கிலாந்தைச் சேர்ந்த ஆக்ஸன் நிறுவனத்தின் பங்குகளை வாங்கும் முயற்சியை இந்போசிஸ் நிறுவனம் கைவிட்டு விட்டது. எச்சிஎல் டெக்னானலஜிஸ் நிறுவனம் அதிக தொகை தருதாக முன்வந்ததால் இன்போசிஸ் விலகிக் கொண்டு விட்டது.

இதுகுறித்து இன்போசிஸ் வெளியிட்டுள்ள அறிக்கையில், ஆகஸ்ட் 25ம் தேதி ஒரு பங்குக்கு 600 பென்ஸ் வரை தரலாம் என இன்போசிஸ் இயக்குநர்கள் குழு முடிவு செய்தது. இருப்பினும் அதை உயர்த்துமாறு ஆக்ஸன் நிறுவனம் கோரியது.

ஆனால் அதற்கு மேல் உயர்த்த வேண்டாம் என இயக்குநர் குழு முடிவு செய்ததால் இந்த உடன்பாட்டிலிருந்து விலகிக் கொள்ள இன்போசிஸ் முடிவு செய்தது.

கவனத்துடன் கூடிய பரிசீலனைக்குப் பின்னர் இந்த முடிவுக்கு வந்தோம் என தெரிவிக்கப்பட்டுள்ளது.

எச்.சி.எல். நிறுவனம் ஒரு பங்குக்கு 650 பென்ஸ் வீதம், 441.1 மில்லியன் பவுண்டுகளுக்கு ஆக்ஸன் பங்குகளை வாங்க முடிவு செய்ததே இன்போசிஸ் விலகலுக்கு முக்கிய காரணம்.