ஜனாதிபதி பிரதீபாவுக்கு 5 இ-மெயில் மிரட்டல்கள்

டெல்லி: ஜனாதிபதி பிரதீபா பாட்டீலுக்கு 5 இ-மெயில் மிரட்டல்கள் வந்துள்ளன. இதுகுறித்து பாதுகாப்பு அதிகாரிகள் விசாரணை நடத்தி வருகின்றனர்.

கடந்த ஞாயிற்றுக்கிழமை புனே சென்ற ஜனாதிபதி பிரதீபாவுக்கு இ-மெயில் மூலம் கொலை மிரட்டல் வந்தது. இதையடுத்து அவருக்கு பாதுகாப்பு பலப்படுத்தப்பட்டது. இது தொடர்பாக நடந்த விசாரணையில் அந்த மிரட்டல் இ-மெயில் தமிழ்நாட்டில் இருந்து அனுப்பபட்டது தெரிய வந்தது.

ஏர்டெல் நிறுவனத்தின் இணைய தள சேவை மூலம் இந்த மிரட்டல் இ-மெயில் அனுப்பப்பட்டுள்ளது. ஆனால் முகவரியை கண்டுபிடிக்க முடியவில்லை. இதுகுறித்து பாதுகாப்பு அதிகாரிகள் தீவிர விசாரணை நடத்தி வருகின்றனர்.

இந்நிலையில் இன்னொரு இணையதள முகவரியில் இருந்து பிரதீபாவுக்கு நேற்று 5 இ-மெயில் மிரட்டல்கள் வந்தன. அதில் பிரதீபாவுக்கு எதிரான பல்வேறு குற்றச்சாட்டுகள் குறிப்பிடப்பட்டுள்ளன.

இந்த மிரட்டல் இ-மெயில்கள் பிரதீபாவின் அலுவலக இணைய தளத்துக்கு அனுப்பப்பட்டுள்ளன.