மேலும் குறைந்தது தங்கம் விலை!

மும்பை: தங்கத்தின் விலை இன்று பவுனுக்கு மேலும் 200 ரூபாய் வரை குறைந்தது. சர்வதேச பொருளாதார நெருக்கடிகள் காரணமாக பங்குச் சந்தைகள் பெரிதும் சரிந்துள்ளன.

எந்தப் பொருளின் விலையிலும் நிலைத் தன்மை இல்லாமல் இருந்து வருகிறது.

கடந்த மாதம் பவுன் ரூ.8380-ஆக விற்கப்பட்டு வந்த தங்கம், பண்டிகை மாதமான அக்டோபர் துவக்கத்திலேயே றெக்கை கட்டிப் பறக்கத் துவங்கியது.

சில தினங்களுக்கு உச்சகட்டமாக கிராமுக்கு ரூ.1300 வரை விற்கப்பட்டது. நேற்றைய தினம் தங்கத்தின் விலை திடீரென்று வீழ்ச்சி கண்டது. சவரனுக்கு ரூ. 352 வரை குறைந்தது. இன்று தங்கத்தின் விலையில் மேலும் வீழ்ச்சி. சவரனுக்கு மேலும் 200 ரூபாய் குறைந்துள்ளது.

மாலை நேர நிலவரப்படி, ஆபரணத் தங்கம் கிராமுக்கு ரூ.1162 என விற்கப்பட்டது. சவரன் விலை ரூ.9296.