இந்த ஆண்டு வெறும் 32 நாளே கூடிய நாடாளுமன்றம்

டெல்லி: இந்த ஆண்டு நாடாளுமன்றம் இதுவரை வெறும் 32 நாட்கள் மட்டமே கூடியுள்ளது. இது இந்திய நாடாளுமன்ற வரலாற்றிலேயே மிகக் குறைவான நாட்களாகும்.

1956ம் ஆண்டில் 151 நாட்கள் கூடியது நாடாளுமன்றம். அது கொஞ்சம் கொஞ்சமாகக் தேய்ந்து வந்தது. இந் நிலையில் இப்போது வெறும் 32 நாட்களாக சுருங்கியுள்ளது.

இதற்கிடையே பாஜக உள்ளிட்ட எதிர்க்கட்சிகளின் கடும் அமளி காரணமாக நாடாளுமன்றத்தை தினமும் ஒத்தி வைப்பதே வேலையாகி விட்டது.

இந் நிலையில் மத்திய பிரதேசம், ராஜஸ்தான், டெல்லி, மிசோரம், சட்டீஸ்கர் ஆகிய 5 மாநிலங்களில் சட்டசபை தேர்தல்கள் நடப்பதால், அங்கு தலைவர்கள் பிரச்சாரம் செய்ய வசதியாக நடப்பு நாடாளுமன்றக் கூட்டத்தொடரை முன்கூட்டியே முடித்துக் கொள்ள வேண்டுமென பாஜக கோரியுள்ளது.

இதையடுத்து கூட்டத் தொடரை வரும் வரும் 24ம் தேதியுடன் முடித்துக் கொள்ளவும், மீண்டும் டிசம்பர் 8ம் தேதி கூட்டத் தொடரை கூட்டவும் மத்திய அரசு முடிவு செய்துள்ளது.