தங்கம் விலை மேலும் சரிவு: ஒரு பவுன் ரூ.8,840!

சென்னை: தங்கத்தின் விலை நேற்று மேலும் குறைந்தது. இதனால் கடந்த சில மாதங்களில் முதல் முறையாக ரூ.9 ஆயிரத்துக்கும் கீழே சரிந்தது.

சர்வதேச அளவில் ஏற்பட்டுள்ள பொருளாதார, நிதி நெருக்கடியைத் தொடர்ந்து, தங்கத்தில் முதலீடு செய்வது அதிகரித்தது. இதனால் தங்கத்தின் விலை தொடர்ந்து அதிகரித்து வந்தது. இப்போது, கச்சா எண்ணெய் விலை குறைந்து வருவதால், தங்கத்தின் விலையும் தொடர்ந்து குறைந்து வருகிறது.

சென்னையில் ஆபரண தங்கத்தின் விலை நேற்று ஒரே நாளில் கிராமுக்கு ரூ.30ம் பவுனுக்கு ரூ.240 சரிந்தது. ஒரு கிராம் தங்கம் ரூ.1,105க்கும் பவுன் ரூ.8,840க்கும் விற்பனை செய்யப்பட்டது.

ஆன்லைன் வர்த்தகம் குறைந்ததும் இதற்கு முக்கிய காரணமாக்க் கருதப்படுகிறது.

தீபாவளி பண்டிகை நெருங்கியுள்ள நிலையில், தங்கத்தின் விலை சரிந்து வருவதால் விற்பனை சூடுபிடித்துள்ளது.