தியேட்டரில் தீ-ரசிகர்கள் ஓட்டம்

புதுச்சேரி: புதுச்சேரியில் அர்ஜூன் நடித்த துரை படம் ஓடிக் கொண்டிருந்த தியேட்டரில் திடீர் தீவிபத்து ஏற்பட்டது. இதையடுத்து ரசிகர்கள் அலறி அடித்து ஓடினர்.

புதுச்சேரியில் உள்ள ராஜா என்ற தியேட்டரில் துரை படம் திரையிடப்பட்டுள்ளது. இன்று காலை படம் ஓடிக் கொண்டிருந்தபோது தியேட்டரின் மேற் பகுதியில் தீ எரிய ஆரம்பித்தது. இதைப் பார்த்து பயந்து அலறிய ரசிகர்கள்வேகம் வேகமாக தியேட்டரை விட்டு ஓடினர். இதனால் அங்கு பெரும் பரபரப்பு ஏற்பட்டது.

தியேட்டரிலிருந்து 200க்கும் மேற்பட்ட ரசிகர்கள் திமுதிமுவென வெளியேறியதால் அண்ணா சாலை மற்றும் காமராஜர் சாலை ஆகியவற்றில் போக்குவரத்து பாதிக்கப்பட்டது.

உடனடியாக தீ அணைக்கப்பட்டதால் பெரும் அசம்பாவிதம் தவிர்க்கப்பட்டது.