ஜெவுக்கு கொலை மிரட்டல் இ-மெயில்!

சென்னை: அதிமுக பொதுச் செயலாளர் ஜெயலலிதாவுக்கு கொலை மிரட்டல் இ-மெயில் வந்துள்ளது.

விடுதலைப் புலிகளுக்கு எதிராக கருத்து தெரிவித்தால், பாகிஸ்தான் முன்னாள் அதிபர் பெனாசிர் புட்டோவுக்கு ஏற்பட்ட கதிதான் உங்களுக்கு ஏற்படும் என்று அந்த கடிதத்தில் குறிப்பிடப்பட்டுள்ளதாகக் கூறப்படுகிறது.

தமிழ் மைந்தன், உலக தமிழின பாதுகாப்பு கழகம், பாங்காக், தாய்லாந்து என்ற பெயரில் இந்த மிரட்டல் கடிதம் வந்துள்ளது.

இதன் தலைமையகம் கனடாவில் இருப்பதாகவும் அதில் கூறப்பட்டுள்ளது. ஆனால் இந்த மெயில் மலேசியாவிலிருந்து அனுப்பப்பட்டுள்ளதாகத் தெரிகிறது.