அரசு கேபிள் டிவி நிறுவன தலைவராக டேவிதார்

சென்னை: தமிழகத்தில் 8 மூத்த ஐஏஎஸ் அதிகாரிகள் பணி மாற்றம் செய்யப்பட்டுள்ளனர்.

இதுகுறித்து தலைமைச் செயலாளர் கே.எஸ்.ஸ்ரீபதி வெளியிட்டுள்ள அறிக்கையில்,

தமிழ்நாடு சுகாதாரத் திட்ட இயக்குனர் டேவிதார், தகவல் தொழில்நுட்பத் துறைச் செயலாளராகவும் அரசு கேபிள் டி.வி. கார்ப்பரேஷன் தலைவராகவும் நியமிக்கப்பட்டுள்ளார்.

தமிழ்நாடு தொழிற்சாலைகள் முதலீட்டுக் கழக நிர்வாக இயக்குனர் உமாசங்கர், அரசு கேபிள் டி.வி. கார்ப்பரேஷனின் நிர்வாக இயக்குனராக மாற்றப்படுகிறார்.

வெளிநாட்டுக்கு பயிற்சிக்காக சென்றிருந்த எஸ்.விஜயகுமார், தமிழ்நாடு சுகாதாரத் திட்ட இயக்குனராக நியமிக்கப்பட்டுள்ளார்.

தமிழ்நாடு மருத்துவ சேவைக் கழக நிர்வாக இயக்குனர் எஸ்.கருத்தையா பாண்டியன், உள்துறை சிறப்புச் செயலாளராக நியமிக்கப்படுகிறார்.

தமிழ்நாடு தொழில் மேம்பாட்டுக் கழக செயல் இயக்குனர் குமார் ஜெயந்த், பிற்படுத்தப்பட்டோர் கமிஷனராக இடமாற்றம் செய்யப்பட்டுள்ளார்.

தமிழ்நாடு தொழிற்சாலைகள் முதலீட்டுக் கழக முதன்மைச் செயலாளர் மற்றும் தலைவராக இருந்த ஷீலாராணி சுங்கத், அந்தக் கழகத்தின் தலைவர் மற்றும் நிர்வாக இயக்குனராக மாற்றப்படுகிறார்.

ஆளுநரின் செயலாளராக பணியாற்றி வரும் சந்தீப் சக்சேனா, தமிழ்நாடு மருத்துவ சேவைக் கழகத்தின் நிர்வாக இயக்குனராக நியமிக்கப்படுகிறார்.

கிருஷ்ணகிரி மாவட்ட சப்-கலெக்டர் எஸ்.நாகராஜன், சிவகங்கை மாவட்ட ஊரக மேம்பாட்டு முகமையின் திட்ட அதிகாரியாக மாற்றப்பட்டுள்ளார் என்று கூறப்பட்டுள்ளது.