என் உடல், உயிர் தமிழுக்கு!-அஜீத்

சினிமாவை சினிமாவாக இருக்க விடுங்கள் என நடிகர் அஜீத் வேண்டுகோள் விடுத்துள்ளார்.

இன்று நடந்த இலங்கைத் தமிழர் ஆதரவு உண்ணாவிரதத்தில் பங்கேற்ற நடிகர் அஜீத் பேசியதாவது:

என் உடல், உயிர் தமிழுக்குதான். அதில் எந்த மாற்றமும் இல்லை. நானும் சகோதரர் அர்ஜூனும் இலங்கைத் தமிழர்கள் குறித்துப் பேசியதாக வந்த தவறான செய்திகளுக்கு நான் விளக்கம் அளித்திருந்தேன். அப்போதே இந்த போராட்டத்தில் நான் பங்கேற்கவிருப்பதையும் கூறியிருந்தேன். என் தமிழுணர்வு யாருக்கும் குறைந்ததில்லை.

இந்த நேரத்தில் நான் கூறிக் கொள்வதெல்லாம், சினிமாவை சினிமாவாக இருக்க விடுங்கள் என்பதே.

இலங்கையில் தமிழர்களுக்கு எதிரான கொடுமைகளை வன்மையாகக் கண்டிப்பதோடு, அவர்களுக்கு நிரந்தரமான நிம்மதி கிடைத்திட அரசுகள் வழி செய்ய வேண்டும் என கேட்டுக் கொள்கிறேன் என்றார்.