தமிழக இளைஞர் காங்கிரசாருடன் ராகுல் ஆலோசனை

டெல்லி: தமிழக இளைஞர் காங்கிரஸ் நிர்வாகிகளுடன் அக் கட்சியின் பொதுச் செயலாளர் ராகுல் காந்தி முக்கிய ஆலோசனை நடத்தினார்.

அகில இந்திய அளவில் இளைஞர் காங்கிரசுக்கு புதிய நிர்வாகிகளை நியமனம் செய்வது குறித்து மாநில வாரியாக, ராகுல் ஆலோசனை நடத்தி வருகிறார்.

இந் நிலையில் தமிழக இளைஞர் காங்கிரசாருடன் புதிய நிர்வாகிகள் நியமனம், உட்கட்சி தேர்தல், பொது அறிவு, அரசியல் அறிவு ஆகியவை குறித்து நேர்காணல் நடத்தினார் ராகுல்.

இதில் அனைத்து கோஷ்டிகளின் தலைவர்களும் கலந்து கொண்டனர்.

நிதியமைச்சர் ப.சிதம்பரத்தின் ஆதரவாளரான ஜோதிமணி, புள்ளிவிவரத்துறை இணையமைச்சர் வாசனின் ஆதரவாளர் பிஜு சாக்கோ, ஜவுளித்துறை இணையமைச்சர் இளங்கோவன் ஆதரவாளர்கள் பிரகாஷ், ஜேம்ஸ் ஆகியோருடன் ராகுல் ஆலோசனை நடத்தினார்.

தமிழக அரசியல் நிலைமை, இலங்கை விவகாரம், தேமுதிகவின் பலம், ரஜினி என்ன செய்வார் போன்றவை குறித்து அவர்களுடன் ராகுல் விரிவாகவே பேசினார்.