வைகோ பிளாக்கில் செல்போன்?-மதிமுக மறுப்பு

சென்னை: சென்னை புழல் சிறையில் வைகோ அடைக்கப்பட்டுள்ள பிளாக்கில் செல்போன் கண்டுபிடிக்கப்பட்டதாக செய்திகள் வெளியானதை மதிமுக மறுத்துள்ளது.

அக் கட்சியின் தலைமை நிலையச் செயலாளர் கே.எஸ்.ராதாகிருஷ்ணன் வெளியிட்டுள்ள அறிக்கையில்,

புழல் சிறையில் எங்கள் பொதுச் செயலாளர் வைகோவை நான் சந்திதேன். அவர் அடைக்கப்பட்டுள்ள செல்லுலார் பிளாக்கில் செல்போன் கண்டு பிடிக்கப்பட்டதாக தகவல் வெளியானதை அவர் மறுத்தார்.

வைகோவுடன் அவைத் தலைவர் கண்ணப்பனும் செல்லுலார் பிளாக்கில் தான் அடைக்கப்பட்டுள்ளார்.

அந்த பிளாக்கை சுற்றியுள்ள சுவர் மிக உயரமானது. அங்கே வைகோ, கண்ணப்பன் ஆகிய இருவர் மட்டுமே உள்ளனர். ஆனால் செல்போன் ஏ பிளாக் அருகே, வெளியே தான் கண்டெடுக்கப்பட்டுள்ளது. இது தான் உண்மை என்று கூறியுள்ளார்.