வட்டியைக் குறைத்தது பாரத ஸ்டேட் வங்கி

மும்பை: இந்தியாவின் முதன்மை வங்கியான பாரத ஸ்டேட் வங்கி தனது வட்டி விகிதத்தை 0.75 சதவிகிதம் குறைத்துள்ளது.

அரசுடைமையாக்கப்பட்ட வங்கிகளுடன் நிதியமைச்சர் ப.சிதம்பரம் நடத்திய ஆலோசனைக்குப் பிறகு கனரா வங்கி, பேங்க் ஆப் இந்தியா, யுனைட்டட் பேங்க், பேங்க ஆப் பரோடா போன்றவை உடனடியாக 0.75 சதவிகித வட்டிக் குறைப்பை அறிவித்துவிட்டன. ஸ்டேட் வங்கி மட்டுமே இதை அறிவிக்க தாமதப்படுத்தி வந்தது.

இன்று, ஸ்டேட் வங்கியும் அனைத்துக் கடன்கள் மீதான தனது வட்டிக் குறைப்பை அறிவித்துவிட்டது. இதுகுறித்த அதிகாரப்பூர்வ அறிவிப்பை வங்கியின் சேர்மன் ஓ.பி. பட் இன்று காலை அறிவித்தார். இனி வீட்டுக் கடன்கள் உள்ளிட்ட பல்வேறு கடன்களுக்கு விதிக்கப்படும் வட்டியில் 0.75 சதவிகிதம் குறைக்கப்படும் என அவர் அறிவித்துள்ளார்.

நாட்டில் உள்ள அனைத்து கார்ப்பரேஷன் வங்கிகளும் இன்று 0.75 சதவிகித வட்டிக் குறைப்பை அறிவித்துள்ளன.