அத்வானியின் 'வெப்சைட்'!

டெல்லி: பாஜகவின் பிரதமர் வேட்பாளரான எல்.கே.அத்வானிக்காக, அவரது பெயரில் இணையத் தளம் ஒன்றை பாஜக உருவாக்கியுள்ளது. இன்று அந்த இணையதளம் தொடங்கி வைக்கப்பட்டது.

அத்வானியின் 81வது பிறந்த நாளையொட்டி இன்று இந்த இணையதளம் தொடங்கி வைக்கப்பட்டது.

இதன் முகவரி: www.lkadvani.in

இந்தியாவிலேயே எந்த அரசியல் இணையதளமும் இந்த அளவுக்கு விரிவாக, பெரிதாக இல்லை என்று பாஜக கூறுகிறது.

இணைய தள தொடக்க விழா கட்சித் தலைவர் ராஜ்நாத் சிங் தலைமையில் கட்சியின் தலைமை அலுவலகத்தில் நடந்தது. ஜம்மு காஷ்மீர் மாநில முன்னாள் ஆளுநர் எஸ்.கே.சின்ஹா இணையதளத்தை தொடங்கி வைத்தார்.

இந்த இணையதளத்தில் மொத்தம் 150 வீடியோக்கள், 300க்கும் மேற்பட்ட புகைப்படங்கள், 700க்கும் மேற்பட்ட பக்கங்கள் உள்ளன.

பகுதி வாரியாக இவை பிரித்து வைக்கப்பட்டுள்ளன. இந்த இணையதளம் ஆங்கிலம் மற்றும் இந்தியில் உள்ளது.

இணையதளத்திற்குள் நுழைந்ததுமே அத்வானியின் வரவேற்புரை இடம் பெற்றுள்ளது.

இணையதளத்தின் முக்கிய அம்சமாக, 22 தலைப்புகளிலான விவாத பகுதி உள்ளது.