சென்னையில் விமான டயர் வெடித்தது

சென்னை: சென்னையிலிருந்து மும்பை சென்ற விமானத்தின் டயர் திடீரென வெடித்ததால் பரபரப்பு ஏற்பட்டது. அதிர்ஷ்டவசமாக எந்த அசம்பாவிதமும் ஏற்படவில்லை.

சென்னையிலிருந்து நேற்று காலை 92 பயணிகளுடன் மும்பைக்கு விமானம் ஒன்று கிளம்பியது. ரன் வேயில் அது ஓடியபோது திடீரென முன்பக்க டயர் வெடித்தது.

இதனால் விமானம் குலுங்கியது. பயணிகள் பயந்து அலறினர். இருப்பினும் விமானி சாதுரியமாக செயல்பட்டு விமானத்தை நிறுத்தி விட்டார்.

இதனால் பெரும் விபத்து தவிர்க்கப்பட்டது. பயணிகள் அனைவரும் பத்திரமாக தரையிறக்கப்பட்டனர். பின்னர் விமானம் பழுதுபார்க்கப்பட்டது.

இருப்பினும் பழுது சரியாகாததால், மாற்று விமானத்தில் பயணிகள் மும்பைக்கு அனுப்பி வைக்கப்பட்டனர்.