பெட்ரோல் விலை குறைப்பு இல்லை-பிரதமர்

டெல்லி: பெட்ரோலியப் பொருட்களின் விலையைக் குறைக்கும் திட்டம் எதுவும் இப்போதைக்கு இல்லை என பிரதமர் மன்மோகன் சிங் கூறினார்.

கத்தாரிலிருந்து நாடு திரும்பும் வழியில் விமானத்தில் தன்னுடன் பயணித்த நிருபர்களிடம் அவர் கூறியதாவது: பெட்ரோலிய நிறுவனங்கள் இன்னும் நஷ்டத்தில்தான் இயங்குகின்றன. மானியத்தைத் தாங்குவதற்கும் ஒரு அளவு இருக்கிறது.

பாரத் பெட்ரோலியம், இந்தியன் ஆயில், இந்துஸ்தான் பெட்ரோலியம் போன்றவை 1 லிட்டர் பெட்ரோலுக்கு ரூ.4.72 லாபம் சம்பாதிப்பது உண்மைதான். ஆனால் டீஸல் விற்பனையில் லிட்டருக்கு 96 பைசா நஷ்டப்படுகின்றன.

அதே போல சமையல் எரிவாயு மற்றும் மண்ணெண்ணெய் விற்பனையில் முறையே 125 மற்றும் ரூ.135 கோடி ரூபாய் வரை நஷ்டம் ஏற்பட்டுள்ளதையும் சரிகட்ட வேண்டியுள்ளது, என்றார் மன்மோகன் சிங்.