இந்திய போர் விமானம் விழுந்து நொறுங்கி இருவர் காயம்

சிலிகுரி: மேற்கு வங்க மாநிலம் ஜல்பய்குரி மாவட்டத்தில் இன்று இந்திய விமானப் படைக்குச் சொந்தமான மிக்-27 ரக விமானம் வீடு மீது விழுந்து நொறுங்கியது. இதில் இருவர் காயமடைந்தனர். விமானி தப்பிவிட்டார்.

இந்த மாவட்டத்தில் உள்ள ஹசிமாரா விமானத் தளத்தில் இருந்து பயிற்சிக்காக இந்த விமானம் புறப்பட்டது. 50 கி.மீ. தூரம் பறந்த நிலையில் இன்று பகல் 12.45 மணியளவில் விமானம் அலிபுர்தோர் என்ற இடத்தில் வீடு மீது விழுந்தது.

விமானம் கட்டுப்பாட்டை இழந்து கீழே விழ ஆரம்பித்தவுடனேயே விமானி பாராசூட் மூலம் தப்பிவிட்டார். ஆனால், விமானம் விழுந்ததில் வீடு நொறுங்கி இருவர் காயமடைந்தனர்.