ராமேஸ்வரம் கோவிலுக்குள் பாலிதீன் பிளாஸ்டிக் பயன்படுத்த தடை !

ராமேஸ்வரம்: ராமேஸ்வரம் கோவிலுக்குள் பாலிதீன் பிளாஸ்டிக் பைகளில் பூஜைப் பொருட்களைப் பக்தர்கள் எடுத்துச் செல்ல கோவில் நிர்வாகம் தடை விதித்துள்ளது.

ராமநாதசுவாமி கோவிலில் பாலிதீன் பைகளைக் கொண்டு செல்லத் தடை இருந்தும் வியாபாரிகள் தேங்காய், பழம் போன்ற பூஜைப் பொருட்களை பாலிதீன் பைகளில் போட்டு பக்தர்களிடம் கொடுக்கின்றனர். இதனால், சுவாமி கருவறை வரை சென்று திரும்பும் பாலிதீன் பைகள் பயன்பாடு முடிந்ததும், பக்தர்களால் கோவில் பிரகாரங்கள் மற்றும் வீதிகளில் வீசியெறிப்படுகின்றன.

இதனைத் தவிர்க்க ராமநாதசுவாமி கோவிலுக்குள் பக்தர்கள் பாலிதீன் பைகளில் பூஜை பொருட்கள் எடுத்துச் செல்லத் தடை விதித்து கோவில் நிர்வாகம் நடவடிக்கை மேற்கொண்டுள்ளது.