சான்யோ நிறுவனத்தை வாங்கும் பானாசோனிக்!

டோக்கியோ: ஜப்பானின் பிரபல எலக்ட்ரானிக் பொருள் தயாரிப்பு நிறுவனமான பானாசோனிக், பிரபல சான்யோ எலக்ட்ரிக் நிறுவனத்தை வாங்குகிறது.

கார் பேட்டரி தயாரிப்பில் இந்த இரு நிறுவனங்களும் உலகில் முன்னணியில் உள்ளன. சர்வதேச அளவில் ஏற்பட்டுள்ள பொருளாதார நெருக்கடியைச் சமாளிக்க இந்த இரு மெகா நிறுவனங்களும் ஒன்றாக இணைந்துள்ளதாக கூறப்படுகிறது.

இதற்காக, சான்யோ நிறுவனத்தின் முக்கிய பங்குதாரர்களாக உள்ள மூன்று நிதி நிறுவனங்களுடன் பேச்சு நடத்தி வருகிறது பானாசோனிக்.

மேலும் டொயோடா கார் தயாரிப்பு நிறுவனத்துடன் பானாசோனிக் நிறுவனம் தொழில்நுட்ப ஒப்பந்தம் செய்துள்ளது. அதன்படி டொயோடா கார்களுக்குத் தேவையான ரேடியோக்களை பானாசோனிக் நிறுவனம்தான் இப்போது சப்ளை செய்து வருகிறது.

ஆனால் டொடோட்டாவுக்கு பாட்டரிகள் தருவது சான்யோதான். சான்யோவை வாங்கிவிட்டால், நம்பர் ஒன் பிராண்டான டொயோட்டாவுக்கு பேட்டரி சப்ளையர் என்ற பெருமையும் எக்கச்சக்க ஆர்டரும் பானாசோனிக்குக்கு கிடைக்கும்.

மேலும், சான்யோ தயாரிக்கும் பேட்டரிகளைத்தான் நோக்கியா உள்ளிட்ட பல மொபைல் போன் நிறுவனங்கள் தங்கள் போன்களுக்கு பயன்படுத்துகின்றன. அந்த சான்யோவே தன் கைக்கு வந்துவிட்டால் உலக மொபைல் நெட்வொர்க்கின் உயிர்த் துடிப்பும் தன் கைக்கு வந்துவிடும் என்ற கணக்கில், சான்யோ கேட்கும் விலையைக் கொடுக்கத் தயாராகிவிட்டது பானாசோனிக்.