டெல்லி விரையும் யுஎஸ் அட்மிரல்-அமெரிக்காவில் மேனன்

டெல்லி:மும்பை தாக்குதலில் பாகி்ஸ்தான் ஆதரவு பெற்ற தீவிரவாதிகளுக்கு உள்ள தொடர்புகள் குறித்து அமெரிக்க வெளியுறவு அதிகாரிகளுக்கு விளக்கமளிக்க இந்திய வெளியுறவுத்துறைச் செயலாளர் சிவசங்கர் மேனன் வாஷிங்டன் சென்றுள்ளார்.

புஷ் நிர்வாகத்தில் உள்ள அதிகாரிகள் தவிர, விரைவில் அதிபராக உள்ள ஒபாமாவின் நிர்வாகத்தில் வெளியுறவு அமைச்சராகவுள்ள ஹில்லாரியையும் மேனன் சந்திப்பார் எனத் தெரிகிறது.

இந் நிலையில் இந்தியா-பாகிஸ்தான் இடையே போர் வெடித்துவிடுமோ என்ற அச்சத்தில் உள்ள அமெரிக்க அரசு ஏற்கனவே வெளியுறவு அமைச்சர் காண்டலீஸ்ஸா ரைஸை டெல்லிக்கு அனுப்பியுள்ளது.

அத்தோடு அமெரிக்காவின் கடற்படைத் தளபதிகளில் ஒருவரான அட்மிரல் மைக் முல்லன் பாகிஸ்தான் விரைந்துள்ளார். மும்பை தாக்குதலில் பாகிஸ்தான் தீவிரவாதிகளின் தொடர்பு குறித்து அந் நாட்டு முப்படையினருடன் பேச்சு நடத்தும் அவர் பின்னர் டெல்லி வருகிறார்.

இந்திய கடற்படைத் தளபதியை அவர் சந்தி்க்கவுள்ளார்.

மேலும் பாதுகாப்புத்துறை அமைச்சர் ஆண்டனி, விமானப் படைத் தளபதியையும் இவர் சந்திக்கலாம் என்று கூறப்படுகிறது.

இதையொட்டி ஆண்டனியுடன் இந்தியாவின் முப்படைத் தளபதிகளும் இன்று காலை ஆலோசனை நடத்தினர்.