தீவிரவாத தாக்குதல்-டிரைடென்ட் 21ம் தேதி திறப்பு

டெல்லி: தீவிரவாதிகளின் தாக்குதலுக்கு இலக்கான மும்பை டிரைடென்ட் ஹோட்டல் டிசம்பர் 21ம் தேதி முதல் மீண்டும் திறக்கப்படுகிறது.

இதுதொடர்பான அறிவிப்பை ஓபராய் குழுமம் வெளியிட்டுள்ளது. இருப்பினும் டிரைடென்ட் ஹோட்டல் வளாகத்தில் உள்ள ஓபராய் ஹோட்டல் எப்போது திறக்கப்படும் என்பது குறித்து ஓபராய் குழுமம் அறிவிக்கவில்லை. ஓபராய் ஹோட்டலுக்குத்தான் சேதம் அதிகம் என்பது குறிப்பிடத்தக்கது.

ஹோட்டல் நிர்வாகமும், ஊழியர்களும் இரவு பகலாக பாடுபட்டு மீண்டும் பழைய நிலைக்கு ஹோட்டலைக் கொண்டு வந்துள்ளனர். ஹோட்டலில் உரிய பாதுகாப்பு ஏற்பாடுகள் செய்யப்பட்டுள்ளன.

ஹோட்டலின் பாதுகாப்புக்கும், ஹோட்டலில் தங்குவோரின் பாதுகாப்புக்கும் தேவையான அனைத்து நடவடிக்கைகளும் மேற்கொள்ளப்பட்டுள்ளன என்று ஓபராய் குழுமம் தெரிவித்துள்ளது.