நவம்பரில் கார், பைக் விற்பனை பெரும் வீழ்ச்சி

டெல்லி: நவம்பர் மாத கார் மற்றும் மோட்டார் சைக்கிள் விற்பனையில் பெரும் வீழ்ச்சி காணப்பட்டது. கார் விற்பனையில் 19 சதவீதமும், மோட்டார் சைக்கிள் விற்பனையில் 20 சதவீத வீழ்ச்சியும் காணப்பட்டது.

உள்ளூர் பயணிகள் கார் விற்பனை நவம்பர் மாதம் 83 ஆயிரத்து 59 ஆக இருந்தது. இது கடந்த ஆண்டு இதே காலகட்டத்தில் 1 லட்சத்து 3 ஆயிரத்து 31 ஆக இருந்தது. அதாவது விற்பனையில் வீழ்ச்சி 19.38 சதவீதம் ஆகும்.

அதேபோல மோட்டார் சைக்கிள் விற்பனை நவம்பர் மாதம் 4 லட்சத்து 31 ஆயிரத்து 171 ஆக இருந்தது. கடந்த ஆண்டு நவம்பர் மாதம் இது 5 லட்சத்து 40 ஆயிரத்து 553 ஆக இருந்தது. இது விற்பனையில் 20.24 சதவீத வீழ்ச்சியாகும்.

மொத்த டூவீலர் விற்பனை நவம்பர் மாதம் 14.68 சதவீதம் குறைந்திருந்தது.

அதேபோல, வர்த்தக வாகனங்களின் விற்பனையும் கூட கடந்த மாதம் தேக்கத்தை சந்தித்துள்ளது. மொத்தம் 20 ஆயிரத்து 637 வாகனங்களே விற்றுள்ளன. கடந்த ஆண்டு இதே காலகட்டத்தில் விற்பனை அளவு 40 ஆயிரத்து 879 ஆக இருந்தது. வீழ்ச்சி அளவு 49.52 சதவீதம் ஆகும்.