வங்கக் கடலில் குறைந்த காற்றழுத்த தாழ்வு நிலை-மீண்டும் மழை

சென்னை: வங்கக் கடலின் வடக்கே, அரபிக் கடலையொட்டிய பகுதியில் குறைந்த காற்றழுத்த தாழ்வு நிலை உருவாகியுள்ளது. இதனால் அடுத்த 24 மணி நேரத்திற்கு தமிழகத்தில் மழை பெய்யும் என வானிலை ஆய்வு மையம் அறிவித்துள்ளது.

வங்கக் கடலின் வடக்கே, அரபிக் கடலின் தென் கிழக்கு மற்றும் தென் மேற்குப் பகுதியில் இந்த காற்றழுத்த தாழ்வு நிலை நிலை கொண்டுள்ளது.

இதன் காரணமாக தெற்கு அரபிக் கடல் முழுமையும், வங்கக் கடலின் தெற்கே பகுதியளவிலும், தெற்கு அந்தமான் கடல் பகுதியிலும் மேகக் கூட்டம் காணப்படுகிறது.

இதன் காரணமாக அடுத்த 24 மணி நேரத்தில் தமிழகம் மற்றும் புதுச்சேரியில், மழையோ அல்லது இடியுடன் கூடிய மழையோ பெய்யலாம்.

தமிழகத்தின் உட்புறத்தில் மழை பெய்யலாம். சென்னையில் மேக மூட்டமாக இருக்கும். ஓரிரு இடங்களில் மழைக்கான வாய்ப்பு உள்ளது.