'ஹிட் விக்கெட்': தோல்விக்கு அத்வானி விளக்கம்!

டெல்லி: ராஜஸ்தான், டெல்லி சட்டசபைத் தேர்தலில் பாஜகவுக்கு தோல்வி ஏற்பட்டதற்கு நாங்களேதான் காரணம். இது ஹிட் விக்கெட் என்று பாஜக தலைவர் அத்வானி அட்டகாசமான விளக்கம் அளித்துள்ளார்.

டெல்லியில் பாஜக நாடாளுமன்றக் கட்சிக் கூட்டம் நடந்தது. இதில் பேசிய அத்வானி, ராஜஸ்தான், டெல்லி சட்டசபை தேர்தல்களில், நம்மை நாமே தோற்கடித்துக் கொண்டோம். இதை ஹிட் விக்கெட் என்று கூறலாம்.

பா.ஜ.கவை வீழ்த்தக்கூடிய அளவுக்கு எதிரணியினரிடம் திறமையான பந்து வீச்சாளர்கள் இல்லை. நாமே அவுட் ஆனால் தான் உண்டு. ராஜஸ்தான், டெல்லி தேர்தலில் அது தான் நடந்துள்ளது.

டெல்லியில் தவறான வேட்பாளர்களை தேர்வு செய்ததாலும், ராஜஸ்தானில் உட் கட்சி தகராறு காரணமாகவும் தோல்வி ஏற்பட்டது.

பயங்கரவாதம், விலைவாசி போன்ற பிரச்னைகளை தவிர, ஐக்கிய முற்போக்கு கூட்டணியில், ஊழல் அதிகரித்து விட்டதையும் தேர்தல் பிரசாரத்தின்போது மக்களிடம் எடுத்துக் கூற வேண்டும். கட்சியின் நிர்வாகிகளும், தொண்டர்களும் இதற்காக கடுமையாக உழைக்க வேண்டும்.

குறிப்பாக, லோக்சபாவில் ஓட்டுக்காக லஞ்சம் கொடுக்கப்பட்ட விவகாரத்தை மக்களிடம் எடுத்து கூற வேண்டும் என்றார் அத்வானி.