மும்பைத் தாக்குதலில் தாவூத்துக்கு நேரடி தொடர்பு: ரஷ்யா

மாஸ்கோ: மும்பை தீவிரவாதத் தாக்குதலில் தாவூத் இப்ராகிமுக்கு நேரடித் தொடர்பு உள்ளது. அவரது போதை மருந்துக் கும்பல்தான், இந்தத் தாக்குதலுக்குத் தேவையான பணத்தை அள்ளிக் கொடுத்துள்ளது என்று ரஷ்யா தெரிவித்துள்ளது.

இதுகுறித்து ரஷ்ய போதைத் தடுப்புப் பிரிவு இயக்குநர் விக்டர் இவனோவ் கூறுகையில், இதுவரை கிடைத்துள்ள தகவல்களின் அடிப்படையில், மும்பையில் தாக்குதல் நடத்திய தீவிரவாதிகளுக்கு தனது போதைப் பொருள் கட்டமைப்பிலிருந்து பெருமளவு பணத்தைக் கொடுத்துள்ளார் தாவூத் இப்ராகிம் என்று தெரிய வந்துள்ளது.

அனைத்து ஏற்பாடுகளையும் தயார் செய்வதற்கும், அதற்குத் தேவையான உதவிகளையும் தாவூத் கும்பல்தான் வழங்கியுள்ளது.

போதைப் பொருள் கடத்தல், தீவிரவாதத்திற்கு பெருமளவில் பயன்படுத்தப்படுகிறது என்பதற்கு இது சிறந்த உதாரணமாகும் என்றார் அவர்.