வீட்டுக் கடன்-எச்டிஎப்சி புதிய வட்டி விகிதம் குறைப்பு

மும்பை: இந்தியாவின் முன்னணி வீட்டு வசதி கடன் நிறுவனமான ஹவுசிங் டெவலப்மென்ட் பைனான்ஸ் கார்ப்பரேஷன் (ஹெச்.டி.எப்.சி), வீட்டு கடன்களுக்கான வட்டி விகிதத்தை குறைத்துள்ளது.

இதன்படி ரூ.20 லட்சத்திற்குட்பட்ட கடனுக்கு வட்டி விகிதம் 10.75 சதவீதத்திலிருந்து 10.25 ஆக (மாறும் வட்டி) குறைத்துள்ளது.

ரூ.20 லட்சத்திற்கும் அதிகமாக உள்ள கடனுக்கான வட்டியை 11.75 சதவீதத்திலிருந்து 11.25 சதவீதமாகக் குறைத்துள்ளது.

இந்த புதிய வட்டி விகிதம் ஜனவரி 1 முதல் அமல்படுத்தப்படும் என்றும் அறிவிக்கப்பட்டுள்ளது.

தற்போது வீட்டு கடனுக்கு 11.75 சதவிகிதம் வட்டி வசூலிக்கிறது ஹெச்.டி.எப்.சி.

மற்ற வகை சில்லரை கடனுக்கான வட்டியையும் 0.50 சதவீதம் குறைத்து, 14.5 சதவீதமாக அறிவித்துள்ளது.