கடன்களுக்கு வட்டியைக் குறைத்தன தேசிய வங்கிகள்

டெல்லி:பாரத ஸ்டேட் வங்கி தனது வட்டி விகிதத்தைக் குறைத்ததைத் தொடர்ந்து, பிற தேசிய வங்கிகளும், வட்டி விகிதக் குறைப்பில் இறங்கிவிட்டன.

தற்போது பேங்க் ஆப் இந்தியா மற்றும் பேங்க் ஆப் பரோடா ஆகிய வங்கிகளும் வட்டிக் குறைப்பை அறிவித்துள்ளன.

முதன்மை கடசன்களுக்கான வட்டியை 75 புள்ளி அடிப்படையில் அதாவது 0.75 சதவிகித அளவுக்கு இவை குறைத்துள்ளன. ஜனவரி முதல் தேதியிலிருந்து இந்த திருத்தப்பட்ட வட்டி விகிதம் அமலுக்கு வருகிறது.

இதே போல டெபாசிட்களுக்கான வட்டி விகிதமும் 0.5 முதல் 1 சதவிகிதம் வரை குறைத்து அறிவிக்கப்பட்டுள்ளது. டெபாசிட் கால அளவுகளுக்கு ஏற்ப வட்டி விகிதம் மாறுபடும் என்றும் அவை தெரிவித்துள்ளன.

கனரா பேங்க், யூனியன் பேங்க் ஆப் இந்தியா வங்கிகளும் இதே அளவு வட்டி விகிதக் குறைப்பை அறிவித்திருந்தன.