திருமங்கலத்தில் ஜெ 3 நாள் பிரசாரம்?

சென்னை: திருமங்கலம் இடைத் தேர்தலில் அதிமுக வேட்பாளர் முத்துராமலிங்கத்தை ஆதரித்து அக்கட்சியின் பொதுச் செயலாளர் ஜெயலலிதா 3 நாள் பிரசாரம் மேற்கொள்வார் எனத் தெரிகிறது.

ஜனவரி முதல் வாரத்தில் மூன்று நாட்கள் பிரசாரம் செய்ய ஜெயலலிதா திட்டமிட்டுள்ளார். ஜனவரி மாதம் 3, 4 ஆகிய நாட்களிலும், 5ம் தேதி ஓய்வு எடுத்து விட்டு 6ம் தேதியும் தொகுதியில் ஜெயலலிதா சுற்றுப்பயணம் செய்வார் என எதிர்பார்க்கப்படுகிறது.

7ம் தேதி மாலையுடன் பிரசாரம் முடிகிறது என்பதால், 6ம் தேதி இரவு திருமங்கலம் பொதுக் கூட்டத்தில் ஜெயலலிதா பேசுவார் என்று கூறப்படுகிறது.

ஜெயலலிதாவின் பிரசாரத் திட்டம் விரைவில் அறிவிக்கப்படும்.