சென்னையில் டாடா குழுமத்தின் 4-வது ஹோட்டல்!

சென்னை: டாடாவின் தாஜ் ஹோட்டல்ஸ் ரிசாட்ஸ் அண்ட் பேலசஸ் நிறுவனம், சென்னையில் 'தாஜ் மவுன்ட் ரோட்' என்ற புதிய 5 நட்சத்திர ஹோட்டலை திறந்திருக்கிறது.

சென்னையின் முக்கிய வர்த்தக பகுதியான அண்ணா சாலையில் அமைந்துள்ளது இந்த ஹோட்டல். முன்பு இங்கு இந்தியன் எக்ஸ்பிரஸ் அலுவலகங்கள் மற்றும் அச்சகங்கள் இருந்தன.

பாரம்பரிய முரையிலிருந்து மாறி, முற்றிலும் புதிய டிசைனில் கட்டப்பட்டிருக்கும் இந்த புதிய ஹோட்டலின் சாதாரண அறைக்கட்டணம் ரூ.7500லிருந்து துவங்குகிறது.

45,000 சதுர அடி பரப்பளவில் அமைக்கப்பட்டிருக்கும் இந்த புதிய ஹோட்டல், 7 மாடிகளை கொண்டது. 16 சூட்கள் சேர்ந்து மொத்தம் 220 ரூம்கள் இந்த ஹோட்டலில் உள்ளன. இவற்றைத் தவிர ஒரு எக்ஸ்க்ளூசிவ் பிரசிட்ன்ஷியல் சூட்டும் உள்ளது.

சர்வதேச அளவிலான பெரிய கம்பெனிகள் இப்போது சென்னையில் இருப்பதாலும், பல புதிய கம்பெனிகள் இங்கு வர இருப்பதாலும், சென்னையில் இருந்து உலகின் எந்த நாட்டுக்கும் எளிதாக பயணம் செய்ய வசதியாக விமான நிலையம் விரிவாக்கம் செய்யப்பட இருப்பதாலும் நாங்கள் சென்னையை ஒரு முக்கிய நகரமாக கருதுகிறோம் என்றார் தாஜ் பிரீமியம் ஹோட்டல்ஸின் சி.இ.ஓ. ஜாம்ஷெட் தாபோ.