திருமங்கலம்: ஜெ.,வைகோ, தா.பாண்டியன், வரதராஜன் கூட்டுப் பிரசாரம்

சென்னை: திருமங்கலம் தொகுதியில் ஜனவரி 6ம் தேதி நடைபெறும் பிரமாண்டப் பிரசாரக் கூட்டத்தில் அதிமுக பொதுச் செயலாளர் ஜெயலலிதா, மதிமுக பொதுச் செயலாளர் வைகோ, இடதுசாரி தலைவர்களான தா.பாண்டியன், வரதராஜன் உள்ளிட்ட கூட்டணிக் கட்சித் தலைவர்கள் கலந்து கொள்ளவுள்ளனர்.

நீண்ட இடைவெளிக்குப் பிறகு ஜெயலலிதாவும், இடதுசாரி தலைவர்களும் ஒரே மேடையி்ல் ஏறவுள்ளனர் என்பது குறிப்பிடத்தக்கது.

ஜனவரி 6ம் தேதி திருமங்கலத்தில் இந்த பிரசாரக் கூட்டம் நடைபெறுகிறது. அதிமுக, இடதுசாரி கூட்டணி அமைந்த பின்னர் ஒரே மேடையி்ல் இவர்கள் சந்திப்பதும் இதுவே முதல் முறையாகும்.

இந்தக் கூட்டம் தவிர மற்ற நேரங்களில் அதிமுகவும், இடதுசாரி கட்சிகளும் தனித் தனியாக பிரசாரம் மேற்கொள்ளத் திட்டமிட்டுள்ளன.