வழுக்கி விழுந்து நாராயணமூர்த்தி காயம்

பெங்களூர்: பெங்களூரில் உள்ள தனது வீட்டில் வழுக்கி விழுந்து இன்போசிஸ் நிறுவனர் என்.ஆர்.நாராயணமூர்த்தி காயமடைந்தார்.

இதுகுறித்து இன்போசிஸ் வெளியிட்டுள்ள செய்திக்குறிப்பில், நாராயணமூர்த்தி தனது இல்லத்தில் வழுக்கி விழுந்து காயமடைந்தார். இதில் அவரது காலில் காயம் ஏற்பட்டுள்ளது.

ஏற்கனவே அவருக்கு அதே இடத்தில் காயம் ஏற்பட்டிருந்தது. தற்போது கீழே விழுந்து அதே இடத்தில் காயம் ஏற்பட்டுள்ளது.

அவர் குறைந்தது ஒரு வாரத்திற்கு ஓய்வெடுக்க வேண்டும் என டாக்டர்கள் அறிவுறுத்தியுள்ளனர் என்று தெரிவிக்கப்பட்டுள்ளது.

காயமடைந்திருப்பதால் பெங்களூரில் இன்று கலந்து கொள்ளவிருந்த ஆன்லைன் புக் நிலையத் தொடக்க விழாவில் நாராயணமூர்த்தி கலந்து கொள்ளவில்லை.