சென்செக்ஸ்: இன்று நல்ல வர்த்தகம்!

மும்பை: வருடத்தின் இறுதியை நெருங்கிக் கொண்டிருக்கும் தருவாயில் ஓரளவு நம்பிக்கை தரும் வகையில் இந்த வார பங்குச் சந்தை வர்த்தகம் உள்ளது.

நேற்று மைனஸில் துவங்கி 205 புள்ளிகள் ப்ளஸில் முடிந்த சென்செக்ஸ், இன்று துவக்கத்திலிருந்தே நல்ல முன்னேற்றத்துடன் உள்ளது.

வர்த்தகம் துவங்கிய சில நிமிடங்களில் 105 புள்ளிகள் கூடுதலாகப் பெற்ற சென்செக்ஸ், பிற்பகல் 2.30 மணி நிலவரப்படி 224 புள்ளிகள் அதிகம் பெற்றுள்ளது.

ரிலையன்ஸ் இன்டஸ்ட்ரீஸ் அதிகபட்சமாக ஒரு பங்குக்கு 12.70 ரூபாய் உயர்வில் விற்பனையானது. ரிலையன்ஸ் இன்ப்ரா, ரிலையன்ஸ் கம்யூனிகேஷன்ஸ், சத்யம் போன்றவற்றின் பங்குகளின் விலையும் ஏறுமுகத்தில் இருந்தன.

இப்போதைய மார்க்கெட் நிலவரம்: சென்செக்ஸ் 9757.53 (+224.01) நிப்டி: 2989.15 (+66.95)