பிப்.22ல் திமுக- போ. மதிமுக இணைப்பு!

செஞ்சி:பிப்ரவரி மாதம் 22 -ம் தேதி அன்று திமுகவுடன் போட்டி ம.தி.மு.க இணைகிறது என்று செஞ்சி.ராமசந்தரன் தெரிவித்துள்ளார்.

செஞ்சியில் போட்டி மதிமுக தலைவர்களில் ஒருவரான செஞ்சி. ராமசந்திரன், செய்தியாளர்களிடம் கூறுகையில், வைகோ தலைமையிலான மதிமுக தனது கொள்கையை மறந்து அதிமுக வழியில் செல்கின்றது.

எல்.கணேசன், செஞ்சி. ராமசந்திரன் தலைமையிலான போட்டி மதிமுக இணைப்பு விழா சென்னையில் முதல்வர் கருணாநிதி முன்னிலையில் பிப்ரவரி 22ம் தேதி அன்று நடைபெறும்.

அந்த இணைப்பின் போது ஒரு லட்சம் தொண்டர்களும், அதிமுகவிலிருந்து பிரிந்து வந்து பலரும் திமுகவில் சேருவார்கள்.

அப்போது திமுகவில் இணையும் முன்னாள் எம்.எல்.ஏக்கள், கட்சி நிர்வாகிகள் ஆகியோரின் பெயர்கள் அறிவிக்கப்படும் என்றார்.