21ம் தேதி திமுக எம்.எல்.ஏக்கள் கூட்டம்

சென்னை: திமுக எம்.எல்.ஏக்களின் கூட்டம் ஜனவரி 21ம் தேதி முதல்வர் கருணாநிதி தலைமையில் சென்னையில் நடைபெறுகிறது.

தமிழக சட்டசபையின் இந்த ஆண்டுக்கான முதல் கூட்டத் தொடர் வருகிற 21ம் தேதி ஆளுநர் பர்னாலாவின் உரையுடன் தொடங்குகிறது.

இந்த நிலையில் அன்று மாலை திமுக எம்.எல்.ஏக்களின் கூட்டத்திற்கு ஏற்பாடு செய்யப்பட்டுள்ளது.

இதுகுறித்து அரசு தலைமைக் கொறடா சக்கரபாணி விடுத்துள்ள அறிக்கையில், முதல்வர் கருணாநிதி தலைமையில் திமுக எம்எல்ஏக்கள் கூட்ம் 21ந் தேதி புதன்கிழமை மாலை 5 மணிக்கு சென்னை அண்ணா அறிவாலயம் கலைஞர் அரங்கில் நடைபெறும்.

திமுக எம்எல்ஏக்கள் அனைவரும் தவறாமல் கலந்து கொள்ள வேண்டும் என்று அதில் கூறியுள்ளார்.