தங்கம் விலை மீண்டும் கிடுகிடு உயர்வு

மும்பை: தங்கம் விலை இன்று கடும் உயர்வை சந்தித்தது. மும்பை சந்தை நிலவரப்படி ஒரு பவுன் தங்கத்தின் விலை ரூ. 11 ஆயிரத்து 228 ஆக இருந்தது. சென்னையில் ரூ. 10 ஆயிரத்து 408 ஆக உள்ளது.

தங்கத்தின் விலை இன்று சர்வதேச அளவில் உயர்ந்துள்ளதே இதற்குக் காரணம். மும்பை தங்க மார்க்கெட்டில் இன்று வரலாறு காணாத உயர்வினை தங்கம் கண்டது.

ஆபரணத் தங்கத்தின் விலை ஒரு பவுனுக்கு ரூ. 11 ஆயிரத்து 228 ஆக உயர்ந்தது. ஒரு கிராம் தங்கம் ரூ. 1411 ஆக இருந்தது. சென்னை சந்தையில் ரூ. 10 ஆயிரத்து 408 ஆக இருந்தது. ஒரு கிராம் தங்கம் ரூ. 1301 ஆக இருந்தது.

இன்று ஒரே நாளில் மட்டும் கிராமுக்கு ரூ. 345 விலை உயர்ந்துள்ளது.

வெள்ளி விலையிலும் இன்று உயர்வு காணப்பட்டது. கிலோ வெள்ளியின் விலை ரூ. 425 உயர்ந்து, ரூ. 19 ஆயிரத்து 480 ஆக இருந்தது.